கணினியில் வைரஸ்களை துல்லியமாக கண்டறிந்து அழிக்க மைக்ரோசாப்டின் புதிய இலவச மென்பொருள்

இன்றைய சூழலில் கணினி இல்லாமல் ஒரு வேலையும் நடக்காது. பத்து பேர் சேர்ந்து ஒரு மணி நேரத்தில் செய்ய வேண்டிய வேலையை ஒரே ஒரு கணினி வைத்து கொண்டு அந்த வேலையை ஒரு நபர் பத்து நிமிடத்தில் செய்து முடிப்பதால் உலகளவில் கணினியின் ஆதிக்கம் அதிகரிக்க முக்கிய காரணமாகும்.  கணினி இயங்க முக்கிய தேவைகளில் ஒன்று ஆப்பரேட்டிங் சிஸ்டம். இது தான் ஒரு கணினியின் அடித்தளம். இதில் சிறந்து விளங்குவது விண்டோஸ் எனப்படும் ஆப்பரேட்டிங் சிஸ்டம் ஆகும்.  இது பிரபல கம்ப்யுட்டர் நிறுவனமான மைக்ரோசாப்ட்டால் உருவாக்கப்பட்டது. எந்த அளவில் கணினியில் வசதிகள் உள்ளதோ அதே அளவில் தீங்கும் உள்ளது. நம் இன்டர்நெட்டில் உலவும்போதோ, ஏதேனும் டவுன்லோட் செய்யும் போதோ, அல்லது usb டிரைவ் மூலமாகவோ நம்மை அறியாமலே வைரஸ் நம் கணினியில் புகுந்து நம் கணினியில் புகுந்து நாம் கணினியில் விதிர்க்கும் டேட்டாக்களை முடக்கி கடைசியில் நம் கணினியையே செயலியக்க வைக்கிறது. 

நாம் கணினியில் என்னதான் ஆண்டி வைரஸ் போட்டிருந்தாலும் புதிய வைரஸ்கள் அவைகளை ஏமாற்றி நம் கணினியில் புகுந்து விடுகிறது. இது உலகளவில் உள்ள மிகப்பெரிய பிரச்சினையாகும். இவைகளை கருத்தில் கொண்டு மைக்ரோசாப்ட் நிறுவனம் தற்போது Safety Scanner என்ற மென்பொருளை உருவாக்கி பயன்பாட்டிற்கு விட்டுள்ளது. 

பயன்கள்: 

• இது 100% இலவச மென்பொருளாகும். மென்பொருளின் பயன் அனைவரையும் சென்றடைய வேண்டும் என்பதற்காகவே இதனை இலவசமாக இந்நிறுவனம் வெளியிட்டு உள்ளது. 
• இது ஒரு போர்டபிள் மென்பொருளாகும்.
• ஏற்கனவே நம் கணினியில் ஆன்ட்டி வைரஸ் மென்பொருள் நிறுவி இருந்தாலும் இந்த மென்பொருள் வேலை செய்யும். ஆகவே பழைய ஆன்ட்டி வைரஸ் மென்பொருளை நீக்க வேண்டியதில்லை.
• இது வைரஸ் மட்டுமல்லாது கணினியில் உள்ள மால்வேர்,ஸ்பைவேர் ஆகியவைகளையும் கண்டறிந்து நீக்குகிறது. 
• இந்த மென்பொருளை விண்டோஸ் XP முதல் அதற்கடுத்து வந்த விஸ்டா, விண்டோஸ் 7 ஆகிய கணினிகளில் பயன்படுத்தலாம்.

டவுன்லோட் முறை:

• இந்த மென்பொருளை சுலபமாக டவுன்லோட் செய்யலாம். இதற்க்கு முதலில் கீழே உள்ள டவுன்லோட் பட்டனை அழுத்துங்கள். 
• இந்த மென்பொருள் 67mb அளவுடையது.
• முதலில் உங்களுக்கு கீழே இருப்பதை போல விண்டோ வரும்.

• படத்தில் காட்டியுள்ள படி download Now என்ற அழுத்தியவுடன் உங்களுக்கு கீழே இருப்பதை போன்று இன்னொரு விண்டோ ஓபன் ஆகும்.

• இதில் உங்கள் கணினியின் பதிப்பை க்ளிக் செய்தால் போதும் இந்த மென்பொருள் உங்கள் கணினியில் டவுன்லோட் ஆகும். 
• டவுன்லோட் முடிந்தவுடன் இந்த மென்பொருளை உங்கள் கணினியில் இன்ஸ்டால் செய்து பயன்படுத்தி கொள்ளுங்கள்.

டிஸ்கி 1: இந்த மென்பொருள் 10 நாட்கள் வரை உபயோகத்தில் இருக்கும். பின்னர் செயல் இழந்து விடும். இதை மீண்டும் ஆக்டிவேட் செய்ய இந்த மென்பொருளை திரும்பவும் இன்ஸ்டால் செய்து பயன்படுத்தி கொள்ளுங்கள். 

டிஸ்கி 2: இந்த மென்பொருள் செயல்பாடு அனைவருக்கும் பிடித்துள்ளதா என கண்டறியவே இது போன்று வைத்துள்ளனர். இரண்டாவது முறை  இந்த மென்பொருளை எவ்வளவு பேர் டவுன்லோட் செய்கிறார்கள் என்பதை பொறுத்தே இந்த மென்பொருளின் தரம் நிர்ணயிக்கப்பட இருக்கிறது. டவுன்லோட் எண்ணிக்கை குறைவாக இருந்தால் மேலும் பல மாற்றங்கள் செய்து வெளியிடலாம்.

BSNL மலிவு விலை டேப்லெட் கணினி வாங்கலாமா, வேண்டாமா?

இந்தியாவில் விலை குறைவாக கொடுக்கும் பொருட்களுக்கு கிராக்கி அதிகம் என்பது அனைவரும் அறிந்ததே. முதலில் ஆகாஷ் டேப்லெட் வருதுன்னு பீதிய கிளப்பினாங்க சொல்லி ரெண்டு வருஷம் ஆச்சு இன்னும் வந்த பாடில்லை. அடுத்து இந்த வரிசையில் BSNL கம்பெனியும் குறைந்த விலை டேப்லெட் கணினிகளை அறிமுக படுத்தியது. சரி நாமும் ஒன்னும் வாங்குவோமேன்னு ஒன்னு புக் பண்ணி வாங்கியும் விட்டேன். இதுல எனக்கு பிடிச்ச சில விஷயங்களையும், பிடிக்காத விஷயங்களையும் உங்களிடம் பகிர்ந்து கொள்கிறேன்.

பிடித்தவைகள்:

• சாதரணமாக சிறிய ஆன்ட்ராய்ட் போன்களே குறைந்தது ஐந்து ஆயிரத்திற்கு மேல் விற்கும் பொழுது 7" திரை உடைய ஆன்ட்ராய்ட் டேப்லெட் கணினிகளை வெறும் Rs. 3500 க்கு கொடுப்பது பாராட்டுக்குரிய விஷயம். 
• ஆன்ட்ராய்ட் வகை என்பதால் இரண்டு லட்சத்திற்கும் அதிகமான விதவிதமான கேம்கள், மென்பொருட்களை டவுன்லோட் செய்யலாம்.
• Battery Capacity நல்லா இருக்கு. நான் தொடர்ந்து உபயோகிக்கல அதானால் ரெண்டு நாளைக்கு ஒரு முறை தான் சார்ஜ் போட வேண்டிய அவசியம் இருக்கு. 
• Wi-Fi மூலமா இணையம் வேகமாக இயங்குகிறது.  டவுன்லோடிங் ஸ்பீடும் பரவாயில்ல. 

பிடிக்காதவைகள்:
ரூபாய் மூவாயிரத்து ஐநூறு கொடுத்துட்டு ஆப்பிள் ஐபேட் ரேஞ்சுக்கு வசதிகள் இருக்கும்னு எதிர்பார்த்தா தப்பு ஆனால்

• பணம் கட்டி ரெண்டு நாளுக்குள் அனுப்பிடுரோம்னு சொல்லிட்டு (தொடர் மெயில் தாக்குதலினால்) ஒரு மாதம் கழிச்சு தான் வந்துச்சு.
• BSNL ஆபர் சிம்கார்ட் தரேன்னு சொல்லி காசு வாங்கிட்டு அந்த சிம்கார்டே அனுப்பல. அதனால் Rs.250 எனக்கு நஷ்டம். 
• ஆன்ல இருக்கும் பொழுது சார்ஜ் போட்டால் பயங்கர சூடாகுது. அதுல ஒரு சமையலே முடிச்சுடலாம் போல. ஆப் பண்ணி சார்ஜ் போட்டா சூடாகாதான்னு நெனக்காதிங்க அப்பவும் ஆகுது பாதி சமையல் செய்யலாம். 
• USB போர்ட் இல்ல அதனால நேரடியா பென்டிரைவ் போட முடியாது. அடாப்டர் வச்சு தான் இணைக்க முடியும்.
• HDMI போர்ட் கேபிள், ஹியர் போன் ஆகியவைகள் இல்ல நாமதான் வாங்கிக்கணும்.
• பத்து நிமிஷம் யூஸ் பண்ணாலே டேப்லெட் சூடாகிடுது. 
• இதையெல்லாம் விட செம கடுப்பான விஷயம் 2GB inbuilt மெமரி தரேன்னு சொல்லிட்டு வெறும் 800MB தான் இருந்துச்சு. 
• சவுண்ட் கிளாரிட்டி பரவாயில்ல, பிக்சர் கிளாரிட்டிபரவாயில்ல, வீடியோ கிளாரிட்டி பரவா இல்ல இப்படி பரவாயில்லைகள் தான் நிறைய உள்ளன.
• கேமரா சும்மா பேச்சுக்காக... பயங்கர கருப்பா இருக்கிற என்னை கருப்பா பயங்கரமா காட்டுது...

இதுல எதையாவது விட்டுட்டேனா தெரியல நண்பர்கள் சந்தேகம் இருந்தால் கருத்துரையில் கேட்கவும்.

வாங்கலாமா வேணாமா?

எனக்கு பிடிச்சதும் பிடிக்காததும் சொல்லிட்டேன் இனி வாங்கலாமா வேணாமா என்பதை முடிவு எடுக்க வேண்டியது நீங்க தான். ஆனால் என் நண்பன் ஒருவன் வாங்கி இருக்கான் அதுல 2GB மெமரி சரியா இருக்கு ஆதலால் எல்லாமே இது போல் தான் இருக்கும் என்றும் கூற முடியவில்லை.

மூவாயிரத்து ஐநூறு பெரிய விஷயம் இல்லை என்பவர்கள் தாராளமாக வாங்கி கொள்ளுங்கள். இத வாங்குறத விட இன்னும் மூவாயிரம் அதிகம் போட்டு மைக்ரோமேக்சின் funbook டேப்லெட் வாங்கி கொள்ளலாம்  என்பது என் கருத்து.

பயர்பாக்சில் உள்ள பிழைகளை நீக்கி வேகமாக இயங்க வைக்க - Reset Firefox

ஒரு மென்பொருளை தொடர்ந்து உபயோகப்படுத்தி கொண்டிருக்கும் பொழுது அதன் வேகம் குறைவது இயல்பு தான். இன்ஸ்டால் செய்யும் பொழுது இருந்த வேகம் நாளடைவில் குறைந்து விடும். இது உலவிகளுக்கும் பொருந்தும் இந்த வகையில் நீங்கள் பயர்பாக்ஸ் பிரவுசரை தொடர்ந்து பயன்படுத்தி கொண்டு இருக்கிறீர்களா? ஆரம்பத்தில் இருந்த வேகம் படிப்படியாக குறைந்து இப்பொழுது பயர்பாக்ஸ் உலவி நிதானமாக இயங்குகிறதா? அடிக்கடி கிராஷ் ஆகிறதா? இந்த பிரச்சினைகளை நீக்கி மீண்டும் பயர்பாக்ஸ் உலவியை பழைய வேகத்தில் இயங்க வைக்க வேண்டுமா? ஆம் என்றால் உங்களுக்கான பதிவு தான் இது. பயர்பாக்ஸின் புதிய Reset Firefox வசதியை பயன்படுத்தி பயர்பாக்ஸ் உலவியை புதியது போல மாற்றலாம் வாருங்கள்.

எச்சரிக்கை: Reset Firefox வசதியை பயன்படுத்துவதால் உங்கள் பயர்பாக்ஸ் உலவியில் சேமித்து வைத்துள்ள Bookmarks, Cookies, Passwords, History அனைத்தும் அழிந்து விடும். ஆகவே உங்களுக்கு அந்த விவரங்கள் ஏதும் தேவையில்லை என்றால் தொடருங்கள். 

முதலில் பயர்பாக்ஸ் உலவியை ஓபன் செய்து கொள்ளுங்கள். அதில் Help - Troubleshooting Informations பகுதிக்கு செல்லுங்கள். 

உங்களுக்கு இன்னொரு விண்டோ திறக்கும் அதில் Reset Firefox  என்ற ஒரு பட்டன் இருக்கும் அதன் மீது கிளிக் செய்யுங்கள். அடுத்த விண்டோவில் உங்களின் இறுதி அனுமதியை கேட்கும் அதில் உள்ள Reset Firefox என்ற பட்டனை அழுத்தவும்.

ஒரு சில வினாடிகளில் உங்களுடைய உலவியில் இருந்த பிழைகள் அனைத்தும் சரி செய்யப்பட்டு புதிய பிரவுசர் தயாராகி விடும். இப்பொழுது பிரவுஸ் செய்து பாருங்கள் பழைய வேகத்திற்கும் இப்பொழுது உள்ள வேகத்திற்கும் உள்ள வித்தியாசத்தை உணர்வீர்கள்.

இந்த தகவல் பயனுள்ளதாக இருந்தால் சமூக தளங்களில் பகிர்ந்து உங்கள் நண்பர்களுக்கும் தெரியப்படுத்துங்கள்.